Contacts
Info
GCiencia Podcast é o programa de gciencia.gal. Reportaxes, entrevistas e máis información sobre ciencia e divulgación en Galicia.
Episodes & Posts
Episodes
Posts
21 JUL 2026 · Neste episodio descubrimos o proxecto galego REPAG, unha iniciativa de I+D liderada pola startup ODS Protein, coa participación do CETIM Technological Centre e Patatas Guays, que amosa como os subprodutos de pataca poden transformarse en micoproteínas, unha alternativa proteica sostible obtida mediante a fermentación de fungos.
Para afondar máis na iniciativa falamos con Noelia Loureiro, investigadora de Biorrefinerías e Novas Cadeas de Valor en CETIM e implicada no proxecto.
12 FEB 2026 · Neste episodio especial polo Día Internacional da Muller e a Nena na Ciencia, poñemos foco nas voces femininas que constrúen a ciencia de hoxe.
Para iso, conversamos con tres científicas do CiQUS da Universidade de Santiago que representan distintas etapas da carreira investigadora: Alejandra Vale como predoc, Lara Villarino como postdoc e María Tomás como investigadora senior.
26 JAN 2026 · Entre finais do século XVI e comezos do século XVII produciuse un fenómeno en Europa que tamén chegou a Galicia: a persecución indiscriminada das mulleres acusadas de bruxería. Facemos un percorrido polos textos dos procesos civís recuperados polo historiados Rodrigo Pousa Diéguez e descubrimos os casos máis fascinantes da Galicia de hai 400 anos.
25 SEP 2025 · O novo acelerador de partículas do CERN e o Einstein Telescope son dous experimentos que se están xestando e que marcarán o futuro da física. Falamos co investigador Néstor Armesto do Instituto Galego de Física de Altas Enerxías (IGFAE) sobre o papel do centro compostelán en ambos os dous experimentos.
17 JUL 2025 · O Instituto Galego de Física de Altas Enerxías (IGFAE), centro mixto da Universidade de Santiago de Compostela e da Xunta de Galicia, comezou a súa andaina en xullo de 1999. Nestes 26 anos de traxectoria logrou situarse como unha referencia internacional na física de partículas. En xuño deste ano 2025 inaugurou a súa nova sede, unha despregadura de laboratorios punteiros para continuar despuntando a nivel mundial. Neste episodio de GCiencia en colaboración co IGFAE falamos co director do Instituto dende 2016, Carlos Salgado.
25 APR 2025 · O investigador Manuel Nappi traballa no Centro de Investigación en Química Biolóxica e Materiais Moleculares (CiQUS) da Universidade de Santiago (USC). Dende alí traballa co uso da luz visible, como a solar, para crear reaccións químicas máis sostibles.
Falamos con el sobre os desafíos que enfronta a súa investigación, que busca, en último termo, ofrecer alternativas para loitar contra o cambio climático e o quecemento global.
13 MAR 2025 · Que teñen en común as vacinas e a reciclaxe de plásticos? A pregunta é máis doada do que parece. O elemento que as une leva un nome: Jose Martínez Costas. É investigador e líder do grupo de Viroloxía Molecular no Centro de Investigación en Química Biolóxica e Materiais Moleculares (CiQUS) da Universidade de Santiago. Dende alí deseñou, xunto ao seu equipo, un innovador sistema de etiquetaxe molecular de proteínas. Neste novo podcast de GCiencia e do CiQUS dános os detalles deste método.
6 MAR 2025 · Os conceptos de ciencia básica non sempre son doados de entender. Neste novo episodio de podcast de GCiencia en colaboración co CiQUS descubriremos os segredos da catálise organometálica, un proceso químico presente no teu día a día e fundamental na fabricación dos obxectos que utilizas na túa vida cotiá. Para iso contamos co investigador Jesús Varela.
7 OCT 2024 · José Rodríguez, máis coñecido como Matemático Rodríguez, é o Científico Galego do Ano 2024. Nado en 1770 na pequena aldea de Bermés, en Lalín, foi brillante e moi recoñecido na súa época. Faleceu en 1824 en Santiago a causa dunha enfermidade descoñecida.
A súa traxectoria científica foi asombrosa. Realizou viaxes por Francia, Reino Unido, Italia, Portugal e Alemaña para ampliar os seus coñecementos. Entre as súas fazañas, axudou a medir coa maior exactitude posible o metro.
Este podcast afonda na figura deste sobranceiro matemático da man da investigadora Carmen Villanueva, autora da primeira tese sobre Rodríguez. Este episodio está producido por GCiencia para a Real Academia Galega de Ciencias. Coa colaboración da Xunta de Galicia, da Universidade de Santiago, do Consello da Cultura Galega e do Concello de Lalín.
22 AUG 2024 · No corazón de Galicia estase a desenvolver unha prometedora tecnoloxía de entrega de fármacos baseada en material xenético. Detrás deste proceso está o equipo de TraffikGene, vinculado co Centro en Química Biolóxica e Materiais Moleculares (CiQUS) da Universidade de Santiago. Neste novo episodio de O podcast de GCiencia falamos co investigador Alberto Fuertes, un dos integrantes do equipo de TraffikGene, sobre os desafíos de deseñar esta nova tecnoloxía.
GCiencia Podcast é o programa de gciencia.gal. Reportaxes, entrevistas e máis información sobre ciencia e divulgación en Galicia.
Information
| Author | GCiencia Podcasts |
| Organization | GCiencia Podcast |
| Categories | Science |
| Website | www.gciencia.com |
| - |
Copyright 2026 - Spreaker Inc. an iHeartMedia Company
