Contacts
Info
من فترة أطلعت على كتاب اسمه "مت فارغا Die empty" ومعناها باختصار زى ما قال د مجدى يعقوب:- "مش عايز لما اموت علمى يموت معايا". وبناءا عليه قررت ابدأ فى البودكاست لسببين اساسيين الاول تدوين لأفكارى بشكل يخلينى اعرف ارجعلها بعد فترة والسبب التانى انى اتعلمت بعض المعلومات والمهارات والخبرات اللى بالفعل فرقت معايا فى حياتى وربما لو حد سمعها تفرق معاه فى حياته. اقرب وصف للبودكاست أنه محاضرات فى تطوير الذات وإكساب المهارات. اسأل الله انه يكون بودكاست نافع ومفيد وملهم . My mission is:- Empower youth by Education.
Episodes & Posts
Episodes
Posts
23 MAR 2024 · عن المدرب سارد القصص وفن سرد القصص. فى الحلقة الخامسة من محتوى "تدريب المدربين" وضحنا اننا بنتكلم عن كورسات تدريب المدربين مش بهدف اننا نبقى مدربين كوظيفة بشكل اساسى ولكن عشان نكتسب عقلية المدرب. بدأنا كلامنا وقسمنا عملية التدريب ل ٣ اجزاء مهمة جدا:- ⬅️ المدرب ⬅️ المتدرب ⬅️ العملية التدريبية اى عملية تدريب بتحتوى على ال٣ عناصر دول عشان كدة هنبدأ نمسك كل عنصر منهم ونتكلم عنه لوحده. أول عنصر بدأنا الكلام بيه "المدرب" - فسألنا سؤال مهم وهو: ايه أهم المهارات اللى لازم تكون موجودة عند المدرب ؟؟ وكان جوابنا البديهى "مهارة البرزنتيشن اوالخطابة او العرض والإلقاء" لأن المدرب بيقضى على الاقل نص وقته بيحاضر المادة العملية، فلازم يكون متمكن من المهارة دى بشكل احترافى. وسألنا سؤال كمان وقولنا ايه أهم نصيحة ممكن ننصح بيها حد وتخلى البرزنتيشن بتاعه احترافى ؟! - والاجابة اهم نصيحة حرفيا للمتحدث هى اتقان مهارة: "فن سرد القصص". للقصص أهمية منقطعة النظير سواء فى مجال الترفيه من خلال صناعة السينما والادب ، او فى مجال التعليم من خلال نقل الخبرات والمهارات والمعارف والتأثير على الجمهور وتغيير قناعاتهم وسلوكياتهم وبالتالى مهارة سرد القصص نقدر نعتبرها من اهم المهارات بالنسبة للمتحدث حرفيا ... وهنا ييجى دول السؤال المهم: 🔷🔹 ازاى اقدر استخدم القصص فى البرزنتيشن او التدريب بتاعى :- وناقشنا السؤال ده من خلال خمس افكار رئيسية :- ◀️1️⃣ اولا نفهم ازاى القصص بتأثر علينا وليه دايما بتنجح؛ وده علشان طول ما احنا بنسمع القصص جسمنا بيفرز ثلاث هرمونات فى منتهى الاهمية بالنسبة لحياتنا ونفسياتنا:- ⬅️ الهرمون الاول هو الدوبامين (هرمون الشغف والطاقة والحماس والتفاؤل والابداع والانجاز)؛ ⬅️ ثانى هرمون هو الاكسيتوسين(الهرمون الانسانى ) بيخليك تحس انك انسان عنده مشاعر وبيحس ⬅️ ثالث هرمون هو الاندروفين (هرمون تسكين الالام والشعور بالرضا والسعادة ) ◀️2️⃣ ثانيا نفهم تشريح القصة: اى قصة بتتكون من ثلاث عناصر اساسية -وعناصر كتير فرعية طبعا- الثلاث عناصر دول هم : ⬅️ الاعدادات (بداية الحدوتة وتوضيح الشخصيات الاساسية والزمن والمكان وبداية الاحداث) ⬅️ الحبكة والصراع (ظهور المشكلة والتحدى وضرورة تجاوز المشكلة والرغبة فى الانتصار وتحقيق الاهداف ) ⬅️ المغزى (حل المشكلة والتغلب على التحدى، والمغزى من القصة ) وهنا عطينا كمية امثلة كتيرة اوى وحكينا قصص كتير عشان نوضح ازاى ان كل القصص بتتكون من نفس ال٣ عناصر الاساسية تشريحيا. ◀️3️⃣ ثالثا اجيب منين قصص حلوة عشان استخدمها؟ فيه ثلاث مصادر اساسية:- ⬅️ اولا القراءة والاطلاع والمتابعة (الكتب والروايات ومواقع جوجل واليوتيوب والسوشيل ميديا) ⬅️ ثانيا التأليف (اتعلم اكتر وأعمق عن مكونات القصة وابدأ ألف قصص تخدم بيها موضوعك -عطينا مثال للجزء ده عمليا-) ⬅️ ثالثا القصص الشخصية والتجارب الحياتية لنفسك وللاخرين ( حياتك مثيرة جدا ومواقفها كل يوم جديدة ومختلفة بس المشكلة انك بتنسى كل الاحداث ومبتبقاش فاكر تماما انت اكلت ايه امبارح حتى؛ عشان كدة لازم تخلى معاك نوتة تكتب فيها تفاصيل حياتك وتسجل فيها قصص يومك اللى ممكن تحكيهاوتستفيد بيها فيما بعد ) ◀️4️⃣ رابعا لا تنسى فن سرد القصص واستخدام نبرة صوت وتعبيرات وش معبرة بالاضافة لفن الوقفات وناقشنا الافكار دى بشكل أعمق فى الحلقة دى :- https://open.spotify.com/episode/7insigLSBqVV5H4Ld5EutV?si=10Ru9ayVQ_u_d5787wzNyA ◀️5️⃣خامسا شوية تنبيهات لازم ناخد بالنا منها وضرورية جدا جدا :- ⬅️ اولا لازم اى قصة تستخدمها يكون ليها مغزى مش بس لمجرد المتعة، ⬅️ ثانيا لازم اى قصة تستخدمها يكون ليها علاقة بموضوع التدريب يعنى مينفعش يكون غرضى انى أحكى قصة عشان اقولهم انى جامد ومفيش منى اتنين، ⬅️ ثالثا خد بالك من وقت القصة حاول متخلهوش يعدى دقيقتين وكل ما كان اقل كان افضل . ◀️ ختاما، بكدة نكون خلصنا السلسة بتاعة مهارات العرض والالقاء هتلاقى هنا حلقة التغلب على الخوف من مواجهة الجماهير :- https://open.spotify.com/episode/2pctQcfn0perFhsnjYGOAs?si=Vm1pCa-fTVmmLmkToyNBuQ هتلاقى هنا حلقة المكون الخفى للمتحدث الذكى :- https://open.spotify.com/episode/7kcfUFi7AgNgLA8MaI4ZFh?si=wL8HTUT3THuGol-Ha7NIvw Stay tuned ... My mission is :- Empower youth by Education. هكون ممتن جدا تساعدنى أطور وأقيم تجربة البودكاست من خلال الفورم دى :- https://forms.gle/WY3rRxdtHFEpHkrf6
20 MAR 2024 · فى الحلقة الرابعة من محتوى "تدريب المدربين" وضحنا اننا بنتكلم عن كورسات تدريب المدربين مش بهدف اننا نبقى مدربين كوظيفة ولكن عشان نكتسب عقلية المدرب. - عقلية المدرب هى اكتر حاجة احنا محتاجينها فى الوقت الحالى لانها هتخلينا نركز على مجال واحد ونبدأ إننا نقرا عنه أكتر ونمارسه أكتر بهدف إننا نتفوق على أقراننا؛ وده بديهى عشان نقدر اننا ندربهم على المجال ونسمى نفسنا مدربين بجد. بدأنا كلامنا وقسمنا عملية التدريب ل ٣ اجزاء مهمة جدا:- ⬅️ المدرب ⬅️ المتدرب ⬅️ العملية التدريبية اى عملية تدريب بتحتوى على ال٣ عناصر دول عشان كدة هنبدأ نمسك كل عنصر منهم ونتكلم عنه لوحده. أول عنصر بدأنا الكلام بيه "المدرب" - فسألنا سؤال مهم وهو: ايه أهمم المهارات اللى لازم تكون موجودة عند المدرب ؟؟ وكان جوابنا البديهى "مهارة البرزنتيشن اوالخطابة او العرض والألقاء" لأن المدرب بيقضى على الاقل نص وقته بيحاضر المادة العملية، فلازم يكون متمكن من المهارة دى بشكل احترافى. بنكمل كلامنا عن المدرب وبنتكلم عن المكون الحفى للمتحدث الذكى والموضوع بدأ بتساؤل منى : بعض المتحدثين وهما قاعدين على الكرسى لا بيستخدموا لغة جسد ولا بيتنططوا ولا اى حاجة ومع ذلك بيأثروا فينا وبيلهمونا بشكل كبير جدا وبنحب نسمعلهم فأيه السر فى كدة ؟؟! ولقيت ان عصر ارسطو عصر ما قبل الميلاد ايام بدايات انتشار الفلسفة والسفسطائية كانوا هما اكتر ناس مهتمين بمهارات الخطابة والالقاء وكان عندهم جدل فلسفى قائم عن هل احنا بنثق فى المتحدث لأنه شخص صادق فعلا ولا لأنه بيظهر أنه صادق ؟؟! ارسطو راح فى تفكيره لابعد من الجدال ده وبدا يتكلم عن ايه الادوات اللى بتساعد المتحدث يظهر انه شخص ذو مصداقية وموثوقية وبتخلينا نسمعله بالفعل. ارسطو لقى ثلاث عناصر بيستخدمهم اى متحدث 1️⃣المنطق 2️⃣المشاعر 3️⃣المصداقية والموثوقية وقال ارسطو ان العنصر الثالث (المصداقية ) هو اهم عنصر فيهم كلهم بل ويقدر انه يغنى عنهم كلهم. وهنا السؤال ازاى اكتسب المصداقية واظهر على انر شخص ذو مصداقية وموثوقية: ارسطو بيقول انك تقدر تعمل ده من خلال ٣ حاجات 1️⃣الاجادة والتميز(الشغف) 2️⃣الحكمة او الخبرة العملية (الخبرة) 3️⃣النية الطيبة فى الحديث الفكرة هنا ان مش مهم تمتلك الصفات دى او متملكهمش الفكرة ازاى تعرف تظهرهم بشكل كويس للناس. وهنا سؤال البودكاست ازاى اظهر الصفات دى للناس :- ◀️اولا الشغف عشان نظهر الشغف محتاجين نمتلك شخصيتنا الشغوفة الاول ودى بنمتلكها من هلال متابعتنا للقدوات اللى بيعرفوا يتكلموا ونبدا نحاكيهم ونقلدهم. ثانيا -ودى مهمة جدا- احط شغفك بكلمات معبرة عن مدى جماله وابداعه وابهاره. ثالثا مارس شغفك فى موضوعات بتحبها لحد ما تمتلك الشخصية الشغوفة اللى هتخليك تقول موضوعات م بتحبها بس بردو بنفس الشغف . ◀️ثانيا الخبرة العملية تقدر تظهر الخبرة العملية من خلال اولا سرد القصص الشخصية العملية مع ذكر امثلة وتوضيحات مختلفة ثانيا استخدام لغة بسيطة بعيدا عن المصطلحات المعقدة ثالثا دايما اسال نفسك ازاى اخلى الموضوع ابسط؟ ◀️ثالثا النية الطيبة للحضور ودى بظهرها من خلال الكلمات الكبيرة والشعارات الرنانة ودى الطريقة اللى بيستخدمها اغلب السياسيين. بنظهر نيتنا كمان من خلال لغة الجسد ونبرة الصوت زى ما وضحنا فى بودكاست الحلقة اللى فاتت. فى النهاية دى كانت الحلقة الرابعة فى سلسلة حلقات كلهم بنتكلم فيها بشكل معمق ازاى تكتسب عقلية المدرب وتكون مدرب محترف، ودى كلها سلسلة حلقات فى كورسات " تدريب المدربين" عشان نكون مدربين فى مجالنا ومتألقين دايما. Stay tuned ... My mission is :- Empower youth by Education. هكون ممتن جدا تساعدنى أطور وأقيم تجربة البودكاست من خلال الفورم دى :- https://forms.gle/WY3rRxdtHFEpHkrf6
18 MAR 2024 · فى الحلقة الثالثة من محتوى "تدريب المدربين" وضحنا اننا بنتكلم عن كورسات تدريب المدربين مش بهدف اننا نبقى مدربين كوظيفة ولكن عشان نكتسب عقلية المدرب. - عقلية المدرب هى اكتر حاجة احنا محتاجينها فى الوقت الحالى لانها هتخلينا نركز على مجال واحد ونبدأ إننا نقرا عنه أكتر ونمارسه أكتر بهدف إننا نتفوق على أقراننا؛ وده بديهى عشان نقدر اننا ندربهم على المجال ونسمى نفسنا مدربين بجد. بدأنا كلامنا وقسمنا عملية التدريب ل ٣ اجزاء مهمة جدا:- ⬅️ المدرب ⬅️ المتدرب ⬅️ العملية التدريبية اى عملية تدريب بتحتوى على ال٣ عناصر دول عشان كدة هنبدأ نمسك كل عنصر منهم ونتكلم عنه لوحده. أول عنصر بدأنا الكلام بيه "المدرب" - فسألنا سؤال مهم وهو: ايه أهمم المهارات اللى لازم تكون موجودة عند المدرب ؟؟ وكان جوابنا البديهى "مهارة البرزنتيشن اوالخطابة او العرض والألقاء" لأن المدرب بيقضى على الاقل نص وقته بيحاضر المادة العملية، فلازم يكون متمكن من المهارة دى بشكل احترافى. ⬅️⬅️⬅️وفى حلقة النهاردة بنكمل كلامنا عن "مهارة العرض والالقاء". 🔷بنتكلم عن لغة الجسد اهمية لغة الجسد بتتمثل قى حاجتين - الحاجة الاولى: اظهار الثقة فى النفس، ولما بتظهر ثقتك فى نفسك بتزود مدى استقبال الناس للمعلومات اللى بتقولها -الحاجة التانية:- امتاع الحضور وجذب انتباههم ودى كمان حاجات مهمة تزود بيها من استقبال الحضور للمعلومات اللى بتقولها. وضحنا ازاى تستخدم لغة جسدك بشكل مناسب وايجابى وتحقق الاهداف اللى قولنا عليها من خلال مناقشتنا لثلاث افكار رئيسية:- 1️⃣الوجه بالنسبة لوشك انت محتاج تظهر ابتسامة بشوشة حقيقية، ابتسامة بتبين انك مبسوط بوجودك على الاستدج وبتدى انطباع جميل للحضور وبتخليهم يبتسمولك تلقائى ويثقوا فيك ويستمتعوا وهما بيسمعولك. 2️⃣نظرات العيون تخيل كم البواخة لو بتكلم حد وهو باصص فى موبايله او مش باصصلك، طبيعى جدا تحس انه مش مهتم او مكترث لوجودك، وده احساس بشع ومنفر جدا ويخليك مضايق ومش مرتاح عشان كدة انت محتاج توزع نظرات عيونك بشكل كويس اوى على كل الحضور . 3️⃣تعبيرات الوش الانفعالية وفقا للموقف بتحكى حاجة حزينة وضح بتعبيرات وشك انك زعلان فعلا، بتحكى حاجة سعيدة وضح بابتسامتك وتعبيرات وشك انها حاجة مفرحة. ممكن نسميها قدرات تمثيلية بسيطة عشان نقدر نوصل الرسالة بتاعتنا بصورة جميلة ولطيفة ومسلية وممتعة. 🔷 نبرات الصوت. الصوت :الالة الموسيقية الأبدع والأعظم فى العالم . بصوتك بس ممكن تغير حياة إنسان وتلهمه أو تدمره . ناقشنا ان للصوت عدد من الخصائص بتخلينى اقدر اتحكم فيه واغير فيه خصائص زى :- ◀️العلو والوطى ◀️السرعة والبطء ◀️الحدة والغلظة ◀️الوقفات بعدين اتكلمنا عن شوية نصائح تقدر تستخدمهم عشان تعمل نبرة صوت صحيحة وجميلة ومناسبة: 1️⃣التنفس الصحيح والصوت العميق 2️⃣الخطابة هى فن الوقفات 3️⃣التركيز والارتكاز على الجمل والكلمات 4️⃣رسم الصور بالكلمات 5️⃣سلامة الالفاظ واستخدام لغة سهلة وفى النهاية ذكرنا ثلاث لوازم لازم تجتنبهم تماما تماما اثناء الالقاء ❎نبرة الصوت الثابتة او ال monotone ❎ال(آآآآآآآه) وال (أممممممم) ❎لازمة (طيب ) او (فاهمنى) او ( ماشى) او (تمام) وهكذا فى النهاية دى كانت الحلقة الثالثة فى سلسلة حلقات كلهم بنتكلم فيها بشكل معمق ازاى تكتسب عقلية المدرب وتكون مدرب محترف، ودى كلها سلسلة حلقات فى كورسات " تدريب المدربين" عشان نكون مدربين فى مجالنا ومتألقين دايما. Stay tuned ... My mission is :- Empower youth by Education. هكون ممتن جدا تساعدنى أطور وأقيم تجربة البودكاست من خلال الفورم دى :- https://forms.gle/WY3rRxdtHFEpHkrf6
16 MAR 2024 · فى بودكاست النهاردة بنتكلم عن جزئية مهمة جدا وهى:- "كيفية التحكم والتغلب على الخوف من مواجهة الجمهور" دى الحلقة التانية من سلسلة مناقشة كورسات " تدريب المدربين" وضحنا اننا بنتكلم عن كورسات تدريب المدربين مش بهدف اننا نبقى مدربين كوظيفة ولكن عشان نكتسب عقلية المدرب. - عقلية المدرب هى اكتر حاجة احنا محتاجينها فى الوقت الحالى لانها هتخلينا نركز على مجال واحد ونبدأ إننا نقرا عنه أكتر ونمارسه أكتر بهدف إننا نتفوق على أقراننا؛ وده بديهى عشان نقدر اننا ندربهم على المجال ونسمى نفسنا مدربين بجد. بدأنا كلامنا وقسمنا عملية التدريب ل ٣ اجزاء مهمة جدا:- ⬅️ المدرب ⬅️ المتدرب ⬅️ العملية التدريبية اى عملية تدريب بتحتوى على ال٣ عناصر دول عشان كدة هنبدأ نمسك كل عنصر منهم ونتكلم عنه لوحده. أول عنصر بدأنا الكلام بيه "المدرب" - فسألنا سؤال مهم وهو: ايه أهمم المهارات اللى لازم تكون موجودة عند المدرب ؟؟ وكان جوابنا البديهى "مهارة البرزنتيشن اوالخطابة او العرض والألقاء" لأن المدرب بيقضى على الاقل نص وقته بيحاضر المادة العملية، فلازم يكون متمكن من المهارة دى بشكل احترافى. - وكان السؤال التانى: ازاى هحترف مهارة أنا مرعوب منها؟؟! الخوف من مواجهة الجماهير اشيع مشكلة بتقف قدام اى انسان عايز يكتسب المهارة دى عشان كدة قررنا نبدا كلام بيها. بنقلك فى البودكاست ده خبرتى الشخصية مع الخوف من مواجهة الجماهير وازاى قدرت اتحكم فى الخوف -مش اتغلب عليه وانما اتحكم فيه - 1️⃣ فى البداية وضحنا انها مشكلة كل الناس مش مشكلتك الشخصية، 2️⃣ بعدين اتكلمنا عن دور الاعداد الجيد فى تقليل الخوف والتوتر، 3️⃣ وكملنا كلام بأهمية تحويل وإعادة توجيه البرزنتيشن من النمط التقليدى بتاع "هقف اكلم كل الناس دى" لنمط "انا بكلم شخص واحد" وداخل فى مناقشة مع شخص واحد حتى لو كان موجود ٥٠٠ شخص فى القاعة وهو ما يسمى باستخدام "لغة المخاطبة للفرد"، 4️⃣وفى رقم اربعة اتكلمنا عن ازاى تحول تركيزك من التركيز على نفسك وعلى حركاتك ولبسك وطريقة كلامك للتركيز على "المحتوى" نفسه، ازاى اخلى المحتوى ابسط ازاى اخليه اوضح ازاى انظمه بشكل فعال اكتر ايه القصص والامثلة اللى اقدر استخدمها عشان تزود من اهمية المحتوى ومن مدى جاذبيته ؟! باختصار هو اجابة عن سؤال ازاى اخلى المحتوى يحقق اكبر قدر ممكن من الافادة ؟! 5️⃣ خامسا كانت تقنية النفس اللى بتخليك مسترخى تماما وبتقلل بشكل كبير جدا من توترك وخوفك وهى بالفعل من اكتر الحاجات اللى ساعدتنى ، 6️⃣ سادسا واخيرا روح قبل البرزنتيشن بنص ساعة لو مكنتش عارف المكان واتعرف على المكان وخليه مألوف بالنسبالك لان ده بالتبعية هيقلل من توترك وخوفك. بعد ما نقلتلك تجربتى الشخصية فى التغلب على الخوف نقلتلك العلم بيقول ايه وازاى نتغلب على الخوف من مواجهة الجماهير بطريقة علمية عن طريق ٤ خطوات 1)sysematic desenseitization 2) visualization 3) cognition modification 4) Practising بنشرح ايه المسميات دى بالتفصيل وبنتكلم ازاى بيساعدوك تتغلب على الخوف من مواجهة الجماهير بشكل منطقى وسليم . فى النهاية دى كانت الحلقة الاولى فى سلسلة حلقات كلهم بنتكلم فيها بشكل معمق ازاى تكتسب عقلية المدرب وتكون مدرب محترف، ودى كلها سلسلة حلقات فى كورسات " تدريب المدربين" عشان نكون مدربين فى مجالنا ومتألقين دايما. Stay tuned ... My mission is :- Empower youth by Education. هكون ممتن جدا تساعدنى أطور وأقيم تجربة البودكاست من خلال الفورم دى :- https://forms.gle/WY3rRxdtHFEpHkrf6
13 MAR 2024 · مش كل اللى حضر كورس تدريب المدربين هيبقى مدرب "مناقشة كورسات تدريب المدربين" نظرا لانتشار ثقافة التدريب، وانتشار كتير اوى من الكورسات اللى أصحابها بيحاولوا يقنعوك ويسوقولك إنها افضل كورس ممكن تاخده فى الحياة، وانه الكورس اللى هيغير حياتك للابد وكلام من ده ؛ قررت انى فى البودكاست ده هناقش معاك الموضوع من نفس زاويتهم واقولك على الكورس اللى انا حضرته وبالفعل غير فى حياتى كتير الا وهو "كورس تدريب المدربين" . المختلف بقى انى مش هقولك احضر تدريب المدربين عشان تبقى مدرب، ولكن هقولك احضره عشان تغير عقليتك وبالتالى تطور شخصيتك وحياتك ... - بنناقش مع بعض ليه ده افضل كورس ممكن انك تاخده يطور فى شخصيتك وفى مسارك المهنى ؛ وببساطة لان الكورس هيغير عقليتك من عقلية العامل لعقلية الاسطى او من عقلية الموظف لعقلية رب العمل او على الاقل كبير الموظفين. وده ببيتم من خلال ان الكورس بيزرع فيك معنى وأهمية وأثر انك تكون مدرب، وبالتبعية بتتغير عقليتك انك لازم تكون مدرب، ولكن عشان تكون مدرب لازم يتوفر فيك بعض الشروط زى انك تبقى خبير فى مجالك وعندك عدد معين من سنين الخبرة فى مجال معين فى مكان محترم وانك تكون قارئ فيه اكتر من اقرانك وواخد فيه كورسات ومتعلم عنه اكتر من غيرك وده ييدفعك بالفعل انك تطور من نفسك مهنيا بشكل كبير عشان بعد فترة تلاقى نفسك قادر تدرب غيرك فيه . ده غير طبعا انك بتلاقى نفسك محتاج تطور من شخصيتك، فتتعلم مهارات توصيل المعلومة وتتبنى شخصية إيثارية تخليك تشارك كل المعلومات اللى عندك مع غيرك وبالفعل ده بينعكس بشكل إيجابى جدا عليك فى مكان وبيئة العمل . - بعد ما وضحنا كل ده رجعنا للاصل وسألنا السؤال الاساسى هو ليه موضوع التدريب ده مهم بالنسبة للبزنس وبالنسبة للاشخاص كمان ؟؟! فوضحنا ان لو البرزنس عايز يطور من نفسه، او يطور من طريقة شغله، او يتبنى ثقافة جديدة ويبنى بيئة اكثر ايجابية، او حتى لو عايز انه يطور الموظفين ويرقيهم عشان يمسكوا مناصب ادارية فكل ده مش هيتم إلا بالتدريب أما على المستوى الشخصى فعشان تعلى من قيمتك وسعرك فى سوق العمل محتاج تزود من مهاراتك زى انك تتكلم انجلش وتتعامل مع الكمبيوتر بشكل احترافى وتتعلم مهارات تواصل مع الناس وهكذا وهكذا وبردو كل ده بيتم بعملية التدريب. - بعدين اتكلمنا عن الفرق ما بين التعليم وما بين التدريب وباختصار قولنا ان التعليم عبارة عن: "ثقافة" تركيزه الاكبر على نقل المعلومات، والجانب العملى التطبيقى فيه قليل اوى على عكس التدريب. التدريب فى الصميم هو: "اكساب مهارات" يعنى بيتم نقل المعلومات فيه بردو لكن بصورة أقل من التعليم لأن اهتمام التدريب الأساسى اكتساب المهارة. التدريب هو انك تعرف تعمل مهارة معينة بشكل جيد ووضحنا الفروقات دى اكتر عن طريق شوية امثلة من ضمنها توضيخ الفرق بين هعلمك تدى حقنة فى ساعة، وهدربك ازاى تدى حقنة فى ساعة . - اتنقلنا بعد كدة لتوضيح مسميات مختلفة بيتم استخدامها بالتبادل رغم ان فيه اختلافات عميقة ما بينهم فوضحنا مفاهيم كل من:- (Trainer -Facilitator- Presenter - Public speaker - Instructor - Teacher ) - واخيرا، ختمنا بتوضيح عملية التدريب وازاى ان اى عملية تدريب بتتكون من ٣ حاجات اساسية وهم :- (المدرب - المتدرب - المحتوى التدريبى ) وعملية التدريب بكل بساطة هى:- العملية التى يقوم فيها المدرب بنقل المحتوى التدريبى للمتدرب . وعشان كدة فى مجموعة الحلقات الجاية هنناقش كل عنصر من العناصر دى بالتفصيل الممل العميق . - اتعلم تدريب مدربين مش عشان تبقى مدرب ولكن عشان تكتسب عقلية المدرب، العقلية اللى حرفيا هتطور بشكل كبير جدا من شخصيتك ومن حياتك المهنية . Stay tuned ... My mission is :- Empower youth by Education. هكون ممتن جدا تساعدنى أطور وأقيم تجربة البودكاست من خلال الفورم دى :- https://forms.gle/WY3rRxdtHFEpHkrf6
8 MAR 2024 · عن "كيفية قيادة الذات وإدارتها وأثرهما على الحياة" - بنتكلم فى البودكاست ده عن مفهوم القيادة وهو وفقا لتعريف د طارق السويدان "القدرة على تحريك الاتباع نحو الهدف " وأقتبسنا منه تعريف لقيادة الذات " القدرة على تحريك الذات لتحقيق الاهداف" . - ومن التعريف هنلاحظ أن عندنا عنصرين أساسيين :- العنصر الأول هو الأهداف (قيادة الذات) والعنصر التانى هو تحريك الذات (إدارة الذات) وبدأنا نناقش الأفكار دى بعمق أكتر فقولنا أن : - العنصر الأول ممكن نقول عنه قيادة الذات وفيه برسم رؤية لحياتى وأعرف صورة الذاتية عن نفسى فى المستقبل Vision and self image وده بمثابة ال End goal لحياتى او شكل المحطة اللى عايز أوصلها فى النهاية. وبعدين أرسم التراك والمسار ازاى هقدر أحقق الرؤية والصورة دى يعنى بحدد ال mission بتاعة حياتى وده بمثابة الطريق اللى هيوصلنى للمحطة دى. - انى أحط رؤية لحياتى واحددلها مهمة معينة دى حاجات اساسية وضرورية ويعتبروا هما الاساس اللى بنبنى عليه باقى الحاجات لكنهم مش كافيين اطلاقا ولا بد من تحريك الذات - بل واوقات اجبارها- عشان نقدر نحقق الرؤية والمهمات بتاعتنا، ثم ان اصلا كل الناس عندها خطة ورؤية واهداف واحلام وغالبا محدش بيحققها فى الاخر وده ببساطة عشان معندوش التزام بالعنصر التانى. - العنصر التانى هو تحريك الذات وده ممكن نعتبره ادارة الذات . - ازاى ندير ذواتنا بشكل عملى ؟! فهمنا فى البداية ليه الموضوع ده شائك وليه صعب حد يتكلم فيه لأن نادرا ما حد بيقدر يدير ذاته بشكل كامل، ووضحنا كمان فى بداية كلامنا عن تحريك الذات نظرية فرويد id ,ego and super ego وازاى بفهمها واستيعابها هنفهم ونستوعب مبدأ الادارة وهيغير نظرتك الادارية لذاتك بشكل كبير جدا .. - واقترحنا شوية خطوات وطرق ممكن يساعدوك تدير ذاتك بشكل عملى :- زى أنك تتامل الماضى أعرف أوقات إنتاجيتك الحقيقية وتحددها بواقعية ، بعدين ترسم شكل يومك المثالى وتتبنى روتين منتج لحياتك وتبعد عن التشتت وتحاول تمارس ما يسمى بال deep work ، ومننساش نفعل عقلية ال Lifelong Learner وهى إنى طول حياتى وفى كل يوم منها لازم أتعلم حاجة جديدة وانك عايش فى الحياة عشان تتعلم . واخيرا الحصول على الألهام والتحفيز من خلال متابعة القدوات بتاعتنا. وقبل ما نخلص كلامنها اكيد منسناش نذكر دور الاستعانة بربنا والدعاء واهميته فى إدارة الذات وتوجيه الحياة ... دى كانت رحلة النهاردة يا صديقى الطموح اتمنى انها تفيدك وتلهمك وأحب جدا أسمع قصتك وأنطباعك وتشاركنى أفكارك ... My mission is:- Empower youth by Education. هكون ممتن جدا تساعدنى اطور واقيم تجربة البودكاست من خلال الفورم دى https://forms.gle/WY3rRxdtHFEpHkrf6
29 FEB 2024 · عن عقلية الثبات وعقلية النمو من واحنا صغيرين فى فصول المدرسة بنلاحظ ان فيه طلاب اشطر من غيرهم واكيد تسائلنا ليه دول اشطر من دول رغم ان تقريبا عندهم نفس الامكانيات والمهارات وحتى انهم بيتعلموا فى نفس المدارس وبيشرحلهم نفس المدرسين بنتكلم فى البودكاست ده عن د كارل دويك د كارل دويك كان عندها نفس التساؤل اللى كان عندنا كلنا لكنها ققرت تاخد الموضوع بشكل علمى اكتر وتبحث عنه وتعمل تجاربها على الطلبة لحد ما نشرت بحثها اللى سمته عقلية الثبات وعقلية النمو Growth and fixed mindsets وقالت د كارل ان السبب الاساسى اللى بيميز الطلبة عن بعضهم هو نوع العقلية اللى عندهم هل هى عقلية نمو ولا عقلية جمودية ثابتة البحث كان بيتكلم بشكل اساسى عن العملية التعليمية وبيفسر الفروق بين الطلاب وبعضهم ويعتبر اساس لاى عملية تعليمية لكنه فى نفس الوقت بدا يتم تطبيقه فى الالعاب والتمارين الرياضية ولقينا بردو ان اللاعب اللى عنده عقلية نمو بيهتم يطور نفسه فى مختلف المهارات وبالفعل بيبقى انجح من غيره .وعاشان نتايجه الايجابية فى التعليم وفى الرياضة بدأ مجال البزنس والشركات فى تطبيق عقلية الثبات وعقلية النمو ونخلى الموظفين يكتسبوا عقلية النمو بدلا من عقلية الثبات ويتعلموا مهارات وسلوكيات تخليهم احسن فى شغلهم ... عقلية الثبات وعقلية النمو ضرورية لتطوير كل انسان وزى ما قولنا هو اساس عملية التعليم وباختصار د كارل بتقولنا انها اكتشفت ان الطريقة اللى بنفكر بيها عن التعليم بتأثر على عملية تعليمنا بالفعل عشان نفهم اكتر عقلية الثبات وعقلية النمو ونفهم الطريقة اللى بتشتغل بيها العقلية ونفهم مدى تأثيرها علينا محتاجين نشوف العقليات دى بتتعامل ازاى على مستوى الفكرة والاعتقاد نفسه اللى هو ال Belief وكمان نفهم ونشوف بيركزوا على ايه فيما يعرف بال Focus ونتعمق اكتر فى الفهم ونناقش تأثير عقلية الثبات وعقلية النمو على اهم 4 عمليات بنمر عليهم واحنا بنتعلم اى حاجة واللى هم:- المجهود التحديات الاخطاء الفيدباك ازاى الشخص صاحب عقلية النمو بيتعامل وبيهندل الحاجات دى وايه الفرق ما بينه وما بين الشخص صاحب عقلية الثبات بعدين بنتكلم عن بعض المفاهيم الغلط اللى ممكن تمر علينا وممكن تتبادر لذهننا زى الاعتقاد ان الاشخاص اما ذوى عقلية ثبات او ذوى عقلية نمو وده مش حقيقى والحاجة التانية انك بمجرد ما تغير عقليتك فانت كدة هتتغير حياتك وده بردو مش حقيقى لاننا محكومين بنظرية الشنطة او اسمها نظرية ال BAG Belief ➡️Action➡️Growth بعدين بنتكلم عن اثر عقلية النمو على حياتك وازاى بتولد عندك الحافز للبدء فى تعلم اى حاجة وكمان الحافظ عشان تنجز وتخلص وقدرة مرونة اعلى بكتير فى مواجهة التحديات والصعوبات اللى بنواجهها واحنا بنتعلم السؤال الأهم بقى هو ازاى بقى نكتسب عقلية النمو اول حاجة محتاج تفهم الneuroplasticity بعدين نفهم الreflect واخيرا التطبيق لعقلية النمو مهم لاكتساب عقلية النمو قبل ما اخلص البودكاست بحكيلك قصتى مع عقلية النمو وعقلية الثبات وازاى اقتناعى بالفكرة دى كان سبب انى مسبش مهنة التمريض واكمل فيها بل واتطور واكون افضل منها وكمان بحكيلك ازاى من خلال شرحى لعقلية الثبات وعقلية النمو فرقت مع الطلبة بتوعى فى تعلمهم لمهارات الالقاء والعرض واكتسبوا المهارة اسرع... فى النهاية اتمنى تشاركنى قصتك يا صديقى الطموح وتحكيلى هل الموضوع ده فرق معاك ولا لا ... My mission is :- Empower youth by Education . هكون ممتن جدا تساعدنى اطور واقيم تجربة البودكاست من خلال الفورم دى https://forms.gle/WY3rRxdtHFEpHkrf6
26 FEB 2024 · كيف يتغير الانسان ؟! سؤال فضولى بيحتاج لجواب حقيقى . ازاى نقدر نطور من نفسنا؟ وازاى نقدر نغير من نفسنا للاحسن ونتجنب الحاجات الاسوأ؟. "إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنفُسِهِمْ" كتير بحس اننا محتاجين نتأمل الاية دى ونتدبرها ونقف عندها شوية، ودايما كان سؤالى هو ايه الحاجات المكونة للنفس اللى ممكن لو عرفناها وقدرنا نحددها نقدر نتحكم فيها ونقدر نغيرها للاحسن ؟! بعد بحث طويل كانت الاجابة عند د طارق السويدان اللى قال ان فيه خمس عوامل من خلالها نقدر نغير الانسان؛ العوامل دى هى:- القناعات، والمهارات، والعلاقات، والقدوات، والاهتمامات. وفى بودكاست النهاردة "كيف يتغير الانسان" بنتكلم باستفاضة موسعة عن كل عامل من العوامل دى. - اولا القناعات يعنى ايه قناعات وليه دى حاجة ممكن تفرق فى حياتنا وامثلة على القناعات الكبيرة اللى بتتحكم فى حياتنا والاهم بقى هو ازاى اقدر اغير القناعات اللى عندى بل ازاى اصلا اعرف اذا كانت القناعات اللى عندى دى مفيدة ولا ضارة وبتأثر على حياتى ايجابيا ولا سلبيا ؟! - ثانيا المهارات ليه المهارات عامل مهم من عوامل تغيير النفس ؟ ده لأن ببساطة كلما زادت مهاراتك كلما زادت حاجة الناس إليك وكلمت زاد استغنائك عنهم والعكس صحيح. اكتساب المهارات بيزود الثقة بالنفس اللى هى حاجة اساسية لنجاحك فى الحياة .. بنتكلم ايجازا عن ازاى بنكتسب المهارات وخطوات اكتساب المهارات ... - ثالثا العلاقات هل العلاقات اللى فى حياتك علاقات حقيقية وايجابية ولا مجرد اشخاص سلبيين بيأثروا عليك سلبا وبيشدوك للخلف دايما ... والسؤال الاهم ازاى تعرف اذا كانت العلاقة اللى فى حياتك صحية وايجابية ولا توكسك وسلبية ؟؟! واكيد مما لا شك فيه ان جودة علاقاتنا مرتبط بسعادتنا وده كمان بنوضحه فى كلامنا . - رابعا القدوات ازاى قدوتك بتأثر على سلوكك وبتوجهك وبالفعل ممكن تغير حياتك إما للأسوأ او للاحسن ؟! ازاى تختار قدواتك بذكاء وازاى تقدر تحكم على شخص من خلال قدواته فى الحياة !! - خامسا واخيرا الاهتمامات ايه اكتر حاجات بتاخد منك وقت وبتقضى فيها وقتك هل هى حاجات ايجابية فعلا ولا مجرد حاجات سلبية. راقب نفسك وشوف وقتك بيروح فين وتغيير اهتماماتك اكيد ليه تأثر واضح ومباشر على حياتك وبتغيير اهتماماتك تتغير حياتك . فهمك وادراكك للعوامل اللى قولنا عليها من قناعات ومهارات وعلاقات وقدوات واهتمامات وفهمك والمامك لمدى تأثيرها على حياتك هيساعدك تغير فيهم للاحسن وبالتالى ده هينعكس على خياتك اللى بالتبعية هتتغير للاحسن. فى النهاية يا ريت تشاركنى رأيك وقصتك يا صديقى الطموح . My mission is :- Empower youth by Education. هكون ممتن جدا تساعدنى اطور واقيم تجربة البودكاست من خلال الفورم دى https://forms.gle/WY3rRxdtHFEpHkrf6
لو بتواجه تحديات فى حياتك ومهتم تعرف ازاى تتغلب عليها بشكل أفضل يبقى ضرورى تعرف يعنى ايه مناعة نفسية
25 FEB 2024 · فى بودكاست المناعة النفسية بنتكلم عن مفهوم مهم جدا متعلق بعلم النفس الا وهو المناعة النفسية المناعة النفسية هى قدرة الانسان على مواجهة منغصات وتحديات الحياة بداية من التحديات البسيطة زى ان مفيش بن عشان تعمل فنجان القهوة بتاعك لحد التحديات الكبيرة زى خسارة شغلك او علاقة حب او حتى فقدان شخص عزيز عليك المناعة النفسية بيتقال عليها المرونة النفسية او الصلابة العقلية وكلها حاجات ليها نفس المعنى تقريبا Psychological immunity -Psychological resiliance - mental toughness بودكاست المناعة النفسية هو محاولة دمج ومزج مجموعة كبيرة ازى من المعلومات والعناصر فى بودكاست زاحد شامل جامع بحيث نقدر نحقق اكبر استفادة ممكنة فى البداية كان لازم احكيلك قصص عن اشخاص واجهوا تحديات فى الحياة وواجهوا فشل بس ازاى قدروا يتغلبوا على التحديات بتاعتهم وازاى قدروا يحولوا الفشل لنجاح عن طريق مجمموعة من العوامل ... وهى عوامل المناعة النفسية عوامل المناعة النفسية: بنقسمها لقسمين كبار -القسم الاول:- عوامل ذاتية -والقسم الثانى:- عوامل مجتمعية فى قسم العوامل الذاتية بدانا نتكلم عن حاجة زى صورتك الذهنية عن نفسك ورؤيتك لنفسك وازاى دى حاجة بتفرق فى مستقبلك بشكل انت م متخيله ابدا Your Self Image- بعدين اتكلمنا عن الجزء التانى لعنصر العوامل الذاتية وهو اهمية التخطيط لحياتك ووضع الاهداف والسعى لتحقيقها - Planning and setting goals ودخلنا على القسم الثانى وهو القسم المجتمعى وفيه اتكلمنا عن عنصرين مهمين جدا اولا عنصر الاصدقاء وازاى الاصدقاء بيأثروا عليك وبيوجهوا سلوكياتك بعدين اتكلمنا عن جودة العلاقات اللى فى حياتك وازاى بتضمنلك تحقيق السعادة بل علميا جودة العلاقات هى السبب الاول للسعادة كان ممكن ننتهى هنا لكن حسيت ان فيه مكون اساسى ما زال غايب وبعد بحث واطلاع وبتوفيق ربنا قدرت استلهم من قصة هجرة رسول الله صلى الله عليه وسلم اهم عامل عشان تقدر تكتسب المناعة النفسية ... لو مهتم بكل ده اسمع البودكاست وبعدين شاركنى رأيك وقصتك يا صديقى الطموح My mission is :- Empower youth by Education . هكون ممتن جدا تساعدنى اطور واقيم تجربة البودكاست من خلال الفورم دى https://forms.gle/WY3rRxdtHFEpHkrf6
24 FEB 2024 · عشان تتعلم اى مهارة فى الدنيا زى السواقة او الخطابة او الطبيخ او ازاى تدى حقنة او ايا كانت هذه المهارة ففيه ثلاث خطوات بنمر بيهم :- - الخطوة الاولى: Knowledge المعرفة النظرية دى المعرفة البسيطة للمكونات الاساسية اللى بتتكون منها المهارة ودى ممكن اخدها من كتاب او فيديو يوتيوب او مقال او ان حد يحكيلى عليها ... الخطوة التانية : Apply التطبيق العملى للمهارة ودى بتتكون من جزءين الجزء الاول مشاهدة محترف وهو يمارس امامى المهارة اللى عايز اتعلمها والجزء التانى ابدا التطبيق بنفسى بس بوجود المحترف ده عشان يدينى فيدباك ويعلمنى ايه الصح وايه الغلط وانا بطبق المهارة دى ... الخطوة دى لا غنى عن المدرب فيها والمدرب هنا يعنى شخص محترف عنده عدد سنين معين من الممارسة الاحترافية للمهارة دى بالاضافة لمهارات توصيل المعلومة ومهارات فيدباك وتوجيه بشكل كويس ومفيد ... الخطوة الثالثة:- Practise الممارسة مش معنى انك نجحت فى تطبيق المعلومة انك اكتسبت المهارة .. الموضوع اعمق من كدة بشوية انت محتاج عدد من الساعات والشهور بل واوقات السنين المعينة عشان تنجح فى اكتساب مهارة معينة وتتحول عندك من مهارة لعادة ... وبالتالى ممكن يتبادر الى ذهنك ان الممارسة اهم حاجة عشان تحترف مهارة معينة وده بالفعل صحيح ... لكن شوفت فيديو فيه اندرو تيت بيتكلم عن ان الممارسة دى حاجة ملهاش اى لازمة ... طيب ازاى ؟! وهل معاه حق ولا لا ؟؟ وازاى ممكن يكون مقصده صحيح ؟! ده اللى بنتكلم عنه فى البودكاست ده ... ايه الخطوات الصحيحة لاكتساب اى مهارة عملية وازاى نعدى من خلالهم بشكل كويس جدا ... ازاى نطبق المهارة بشكل عملى يحققلنا اكبر فايدة وايه هى طرق الممارسة الصحيحة اللى بتضمنلنا نحترف المهارة المعينة وتبدا تتحول عندنا لعادة نعملها بشكل اوتوماتيك ... My mission is: Empower youth by Education. هكون ممتن جدا تساعدنى اطور واقيم تجربة البودكاست من خلال الفورم دى https://forms.gle/WY3rRxdtHFEpHkrf6
من فترة أطلعت على كتاب اسمه "مت فارغا Die empty" ومعناها باختصار زى ما قال د مجدى يعقوب:- "مش عايز لما اموت علمى يموت معايا". وبناءا عليه قررت ابدأ فى البودكاست لسببين اساسيين الاول تدوين لأفكارى بشكل يخلينى اعرف ارجعلها بعد فترة والسبب التانى انى اتعلمت بعض المعلومات والمهارات والخبرات اللى بالفعل فرقت معايا فى حياتى وربما لو حد سمعها تفرق معاه فى حياته. اقرب وصف للبودكاست أنه محاضرات فى تطوير الذات وإكساب المهارات. اسأل الله انه يكون بودكاست نافع ومفيد وملهم . My mission is:- Empower youth by Education.
Information
| Author | Mohammed Essam |
| Organization | Mohammed Essam |
| Categories | Self-Improvement |
| Website | www.spreaker.com |
| - |
Copyright 2026 - Spreaker Inc. an iHeartMedia Company
