Contacts
Info
GCiencia Podcast é o programa de gciencia.gal. Reportaxes, entrevistas e máis información sobre ciencia e divulgación en Galicia.
Episodes & Posts
Episodes
Posts
17 JUL 2025 · O Instituto Galego de Física de Altas Enerxías (IGFAE), centro mixto da Universidade de Santiago de Compostela e da Xunta de Galicia, comezou a súa andaina en xullo de 1999. Nestes 26 anos de traxectoria logrou situarse como unha referencia internacional na física de partículas. En xuño deste ano 2025 inaugurou a súa nova sede, unha despregadura de laboratorios punteiros para continuar despuntando a nivel mundial. Neste episodio de GCiencia en colaboración co IGFAE falamos co director do Instituto dende 2016, Carlos Salgado.
25 APR 2025 · O investigador Manuel Nappi traballa no Centro de Investigación en Química Biolóxica e Materiais Moleculares (CiQUS) da Universidade de Santiago (USC). Dende alí traballa co uso da luz visible, como a solar, para crear reaccións químicas máis sostibles.
Falamos con el sobre os desafíos que enfronta a súa investigación, que busca, en último termo, ofrecer alternativas para loitar contra o cambio climático e o quecemento global.
13 MAR 2025 · Que teñen en común as vacinas e a reciclaxe de plásticos? A pregunta é máis doada do que parece. O elemento que as une leva un nome: Jose Martínez Costas. É investigador e líder do grupo de Viroloxía Molecular no Centro de Investigación en Química Biolóxica e Materiais Moleculares (CiQUS) da Universidade de Santiago. Dende alí deseñou, xunto ao seu equipo, un innovador sistema de etiquetaxe molecular de proteínas. Neste novo podcast de GCiencia e do CiQUS dános os detalles deste método.
6 MAR 2025 · Os conceptos de ciencia básica non sempre son doados de entender. Neste novo episodio de podcast de GCiencia en colaboración co CiQUS descubriremos os segredos da catálise organometálica, un proceso químico presente no teu día a día e fundamental na fabricación dos obxectos que utilizas na túa vida cotiá. Para iso contamos co investigador Jesús Varela.
7 OCT 2024 · José Rodríguez, máis coñecido como Matemático Rodríguez, é o Científico Galego do Ano 2024. Nado en 1770 na pequena aldea de Bermés, en Lalín, foi brillante e moi recoñecido na súa época. Faleceu en 1824 en Santiago a causa dunha enfermidade descoñecida.
A súa traxectoria científica foi asombrosa. Realizou viaxes por Francia, Reino Unido, Italia, Portugal e Alemaña para ampliar os seus coñecementos. Entre as súas fazañas, axudou a medir coa maior exactitude posible o metro.
Este podcast afonda na figura deste sobranceiro matemático da man da investigadora Carmen Villanueva, autora da primeira tese sobre Rodríguez. Este episodio está producido por GCiencia para a Real Academia Galega de Ciencias. Coa colaboración da Xunta de Galicia, da Universidade de Santiago, do Consello da Cultura Galega e do Concello de Lalín.
22 AUG 2024 · No corazón de Galicia estase a desenvolver unha prometedora tecnoloxía de entrega de fármacos baseada en material xenético. Detrás deste proceso está o equipo de TraffikGene, vinculado co Centro en Química Biolóxica e Materiais Moleculares (CiQUS) da Universidade de Santiago. Neste novo episodio de O podcast de GCiencia falamos co investigador Alberto Fuertes, un dos integrantes do equipo de TraffikGene, sobre os desafíos de deseñar esta nova tecnoloxía.
9 JUL 2024 · O Centro Singular de Investigación en Química Biolóxica e Materiais Moleculares (CiQUS) da Universidade de Santiago (USC) iniciou a súa andaina en 2011. Máis dunha década despois da súa creación xa é un recoñecido centro de excelencia científica dentro e fóra de Galicia. De feito, recentemente renovou a súa acreditación como centro de investigación e obtivo, unha vez máis, a puntuación máis alta.
Neste novo episodio de podcast de GCiencia analizamos da man do director científico, José Luis Mascareñas, e da directora adxunta, Dolores Pérez, cales son as claves do seu éxito.
13 FEB 2024 · Este é o quinto episodio do pódcast Todas as correntes levan ao CIM, un pódcast de Gciencia en colaboración co Centro de Investigación Mariña (CIM) da Universidade de Vigo para afondar coa sociedade no coñecemento do mar. Na ‘Corrente V’ falamos de cambio global e contaminación co investigador Mariano Lastra.
6 FEB 2024 · Este é o cuarto episodio do pódcast Todas as correntes levan ao CIM, un pódcast de Gciencia en colaboración co Centro de Investigación Mariña (CIM) da Universidade de Vigo para afondar coa sociedade no coñecemento do mar. Na ‘Corrente IV’ falamos de acuicultura e xestión sostible dos recursos, utilizando o salmón dos ríos galegos como exemplo, coa investigadora Paloma Morán, catedrática do departamento de Bioquímica, Xenética e Inmunoloxía.
2 JAN 2024 · Este é o terceiro episodio do pódcast 'Todas as correntes levan ao CIM', un pódcast de GCiencia en colaboración co Centro de Investigación Mariña (CIM) da Universidade de Vigo para afondar coa sociedade no coñecemento do mar. Na 'Corrente III' falamos de enerxía eólica mariña e undimortriz así como a súa viabilidade no contexto galego co investigador Xurxo Costoya.
GCiencia Podcast é o programa de gciencia.gal. Reportaxes, entrevistas e máis información sobre ciencia e divulgación en Galicia.
Information
| Author | GCiencia Podcasts |
| Organization | GCiencia Podcast |
| Categories | Science |
| Website | www.gciencia.com |
| - |
Copyright 2025 - Spreaker Inc. an iHeartMedia Company
