Contacts
Info
Un espazo para entender mellor as tecnoloxías da información e as comunicacións. En colaboración co CITIC
Episodes & Posts
Episodes
Posts
28 APR 2025 · O proxecto Talentos Inclusivos vai pola súa quinta edición. Impulsado polo CITIC en colaboración con ASPACE-GALICIA, o obxectivo é que alumnado de secundaria deseñe aplicacións tecnolóxicas que faciliten a vida das persoas con parálise cerebral. Neste segundo episodio da terceira tempada de O Descodificador falamos co investigador do CITIC Diego Darriba, cos profesores Óscar Rey e Fina Paulos do IES Maximino Romero de Lema, coa súa alumna Lola Cumplido, coa coordinadora de Talentos Inclusivos e educadora social en ASPACE-GALICIA, Iria Robles, e co usuario Jorge Liñares.
31 MAR 2025 · As finanzas non só son economía, nin cartos, nin diñeiro. As finanzas tamén son matemáticas. Neste primeiro episodio da terceira tempada de O Descodificador, o podcast de GCiencia en colaboración co CITIC, o investigador Álvaro Leitao Rodríguez explicaranos que papel xoga a computación cuántica no eido das finanzas. E como isto pode mellorar a nosa vida cotiá.
O CITIC está acreditado como Centro de Excelencia e membro da Rede CiGUS para o período 2024-2027. A acreditación, estruturación e mellora do CITIC está cofinanciada pola Xunta de Galicia e nun 60% pola Unión Europea no marco do Programa Operativo FEDER Galicia 2021-2027, co obxectivo temático de promover "unha Europa máis intelixente: transformación innovadora e intelixente" (ED431G 2023/01).
30 DEC 2024 · A revolución dixital do sector naval estase a facer dende Galicia. O CEMI é un centro de investigación mixto entre a Universidade da Coruña e Navantia. Nel impúlsanse proxectos innovadores para dotar o sector das ferramentas que necesita para ser punteiro. Unha das súas últimas iniciativas é EDINAF, un proxecto europeo coordinado polo investigador Salvador Naya. Falamos con el neste último episodio da segunda temporada de O Descodificador, o podcast de GCiencia en colaboración co CITIC.
4 DEC 2024 · As inundacións do Levante, co caso máis recente de Valencia, e as vagas de incendios en Galicia e Portugal son fenómenos recorrentes. A clave está en tratar de responder o máis rápido posible, e de forma eficaz, ante as catástrofes. Os desastres naturais non entenden de fronteiras e por iso o proxecto ATEMPO, no que participa o CITIC, está composto por membros de Galicia, Portugal e Castela e León. O obxectivo é mellorar a resposta ante as emerxencias a través da intelixencia artificial. Contámoscho da man dos investigadores do CITIC Miguel Luaces e Elena Hernández.
17 OCT 2024 · Contas de correo electrónico, en plataformas de streaming, en aplicacións do móbil... Todas e cada unha delas requiren de contrasinais para poder usar os seus servizos. Pero non vale calquera clave: ten que ter un mínimo de oito caracteres, combinar letras maiúsculas con minúsculas, que aparezan números e varios signos ortográficos... Unha longa lista de requisitos para garantir a seguridade da túa conta. Este é un dos principais consellos dos investigadores do CITIC Victor Carneiro e Fidel Cacheda, que levan máis dunha década traballando en cuestións relacionadas coa ciberseguridade. No novo episodio de O Descodificador, os científicos da UDC achegan varios consellos para non caer nas trampas da internet e avanzan o seu último proxecto, que bota man da IA para facerlle fronte á ciberdelincuencia.
19 SEP 2024 · A antropoloxía forense é unha disciplina manual e precaria dende o punto de vista tecnolóxico. Na meirande parte das universidades e dos centros de medicina legal aínda se empregan "ferramentas doutro século". Así o describe o investigador Óscar Ibáñez Panizo, do CITIC, cuxas liñas de investigación sobre intelixencia artificial están enfocadas ás ciencias forenses. "Automatizar e simplicar tarefas, dotalas de maior obxectividade, incluso automatizalas. No ámbito da antropoloxía e odontoloxía forenses o aforro de tempo é moi claro", explica o científico no novo episodio de O Descodificador, o podcast de GCiencia en colaboración co CITIC.
27 AUG 2024 · En Galicia hai 27.000 persoas diagnosticadas de artrite reumatoide e un 43% precisa a axuda doutra persoa para a realización de actividades cotiás. Esta é unha realidade non sempre visible. Por iso, co obxectivo de mellorar a calidade de vida e deseñar tratamentos individualizados ás necesidades de cada doente, un equipo do CITIC e do Hospital da Coruña está a deseñar un modelo de intelixencia artificial capaz de predicir se un paciente vai volver sufrir un gromo. Neste episodio de O Descodificador abordaremos en que estado está o proxecto da man das investigadoras do CITIC Amalia Jácome e Blanca Monroy.
6 JUN 2024 · Lémbraste de O Bosque animado, sentirás a súa maxia? O renderizado das súas imaxes, é dicir, a creación das animacións a partir de modelos 3D, fíxose no Centro de Supercomputación de Galicia (CESGA). Pero ollo... A computación de alto rendemento (HPC, polas súas siglas en inglés) tamén está detrás das predicións meteorolóxicas, da rapidez con que se xestou Chat GPT e con moitas ferramentas que nos permiten simular escenarios (como os do cambio climático). Neste terceiro episodio de O Descodificador, un podcast de GCiencia en colaboración co CITIC, debullaremos en detalle as aplicacións e funcionamento dos superordenadores da man de María José Martín e Diego Andrade.
9 MAY 2024 · O programa Talentos Inclusivos busca espertar vocacións STEM entre o alumnado de secundaria e bacharelato ao tempo que mellora a calidade de vida das persoas con parálise cerebral. Este proxecto, unha iniciativa do CITIC en colaboración con ASPACE Coruña, é o protagonista deste novo episodio de O Descodificador. Neste capítulo falaremos coa investigadora do CITIC Paula Castro, a profesora Julia Vázquez, a coordinadora e educadora social Iria Robles e o usuario Joan López.
10 APR 2024 · A Axencia Espacial Europea (ESA) lanzou a misión Gaia en 2013 cun obxectivo ambicioso: crear o mapa máis detallado da Vía Láctea... En tres dimensións! Nestes máis de 10 anos de funcionamento, Gaia xa observou 2.000 millóns de obxectos co obxectivo de comprender mellor a evolución da nosa galaxia. En todo este proceso, un equipo galego está a empregar intelixencia artificial para procesar axeitadamente todos os datos que recompila a misión europea. Iniciamos a segunda tempada de O Descodificador, un pódcast de Gciencia en colaboración co CITIC, da man de dous dos investigadores participantes: Xabier Pérez Couto e Lara Pallas Quintela.
Un espazo para entender mellor as tecnoloxías da información e as comunicacións. En colaboración co CITIC
Information
| Author | GCiencia Podcasts |
| Organization | GCiencia Podcast |
| Categories | Tech News |
| Website | - |
| gciencia@gciencia.com |
Copyright 2025 - Spreaker Inc. an iHeartMedia Company
