Contacts
Info
Falamos das investigacións das distintas áreas de coñecemento da USC e facemolo a través das persoas que están detrás, a través das súas voces. Isto e Investigar na USC, un...
show more
Falamos das investigacións das distintas áreas de coñecemento da USC e facemolo a través das persoas que están detrás, a través das súas voces. Isto e Investigar na USC, un proxecto en colaboración coa Universidade de Santiago de Compostela
show less
Investigar na USC
Investigar na USC
Os recrutados galegos da Segunda Guerra Mundial
1 DEC 2023 · O alistamento de emigrantes galegos nas forzas armadas de Estados Unidos durante a II Guerra Mundial non foi algo anecdótico. Da península, a maioría dos recrutados eran de Galicia, concretamente da Coruña. Un traballo da USC pretende alumear esta parte da historia descoñecida que acumula moitos baleiros de información. O profesor Javier Fernández explícanos neste episodio todo aquilo que non se contou sobre o papel e o perfil dos galegos que formaron parte do exército de Estados Unidos na II Guerra Mundial.
Os virus e zoonoses do cambio climático
16 OCT 2023 · O virus hemorráxico das vacas acaba de chegar a Galicia. A lingua azul regresou quince anos despois da súa erradicación. Neste episodio abordamos estas dúas enfermidades víricas, as que máis afectan na actualidade ao gando galego. Tamén, falamos das zoonoses e do papel do cambio climático na propagación de patóxenos. A voz experta será a do decano de Veterinaria da Universidade de Santiago, Gonzalo Fernández, que nos explica ademais a situación que se vive en Galicia sobre a resistencia aos antibióticos.
Tabaquismo, vapers e fume ambiental
11 AUG 2023 · No sétimo episodio de Investigar na USC, o pódcast de GCiencia en colaboración coa Universidade de Santiago, falamos coa científica Julia Rey. É coautora dunha investigación recentemente publicada que demostra que o risco de contraer EPOC se reduce dende o primeiro ano sen fumar. Rey poñeranos ao día sobre os últimos achados dos perigos que supón consumir tabaco e tamén, inhalar fume ambiental.
A saúde dos solos galegos
28 JUL 2023 · Non todos os residuos permanecen na superficie e son tanxibles. Nitratos, pesticidas e antibióticos que se filtran poden chegar ás augas e posteriormente ao ser humano. A evidencia científica demostra diariamente que a contaminación non só é un problema de plásticos, Analizámolo con https://www.gciencia.com/perspectivas/rosa-mosquera-da-usc-reelixida-presidenta-da-federacion-europea-de-sistemas-agroforestais/, catedrática de Produción Vexetal, a voz experta da USC que nos pon ao día sobre as últimas investigacións neste eido e sobre o nivel de contaminación dos solos galegos
Protonterapia: Un disparo no corazón do cancro
7 JUN 2023 · O Centro de Protonterapia de Galicia estará operativo en 2025. Asentarase en Santiago e contará cunha área destinada exclusivamente á investigación, o que o converterá nun referente europeo. Falamos con dous expertos na materia, Faustino Gómez e Pablo Aguiar da USC, que nos explicarán todos os detalles desta terapia e os preparativos que se están a realizar para recibir a nova tecnoloxía que, esperemos, cubra a demanda que existe e cure a moitas persoas en Galicia.
Chegará a alerta por seca en Galicia?
12 MAY 2023 · Este novo episodio de Investigar na USC responde á pregunta que leva por título: Chegará a alerta por seca en Galicia? Para facer unha análise completa da cuestión, entrevistamos a Alberto Martí, profesor de xeografía. Conversamos con el sobre as reservas de auga en Galicia, os plans das institucións e as medidas de aforro, o tipo de consumo de auga por parte dos galegos, a conciencia ecolóxica, o fenómeno 'El Niño' e moito máis.
É hora de entender o cambio horario. Con Jorge Mira
24 MAR 2023 · Este sábado 25 de marzo toca cambiar a hora. Ás 2.00 de madrugada serán as 3.00, por se queda dúbida. Coa mudanza ao horario de verán, tamén chega un debate recorrente na opinión pública. O catedrático da Facultade de Física da USC Jorge Mira, membro do comité de expertos que asesorou ao Goberno neste sentido, acláranos tódalas dúbidas ao respecto e desminte unha grande chea de fake news
Intelixencia Artificial contra as fake news
3 MAR 2023 · A desinformación constitúe unha das maiores preocupacións das democracias contemporáneas. Detrás das noticias falsas ou fake news articúlanse, en moitas ocasións, estratexias para manipular a opinión pública e erosionar a estabilidade dos Estados e das súas institucións. Na loita contra a desinformación, resulta fundamental a coordinación con tres actores clave: as empresas tecnolóxicas, a sociedade civil e as institucións académicas. Hai unhas semanas, botou a andar HYBRIDS, un proxecto da USC que busca desenvolver un sistema para empregar a Intelixencia Artificial na identificación de noticias falsas, discursos de odio e desinformación. Falamos das posibilidades que ten a intelixencia artificial contra as fake news con: Paulo Gamallo, coordinador do proxecto e experto en lingüística; Berta García, especialista en xornalismo dixital e comunicación política, e Patricia Martín, investigadora en ciencias da Computación e Tecnoloxías da Información.
Precisamos perspectiva de xénero para investigar?
10 FEB 2023 · Elas son máis cando se matriculan na universidade, pero a súa distribución entre áreas profesionais é desigual. Superan o 70% nos graos relacionados cos coidados e apenas chegan ao 30% nas enxeñarías. Co gallo do 11F, Día da Muller e a Nena na Ciencia, falamos das perspectivas de xénero na investigación con Encina Calvo Iglesias, profesora titular de Física Aplicada. En Investigar na USC, en colaboración coa Universidade de Santiago de Compostela
Falamos das investigacións das distintas áreas de coñecemento da USC e facemolo a través das persoas que están detrás, a través das súas voces. Isto e Investigar na USC, un...
show more
Falamos das investigacións das distintas áreas de coñecemento da USC e facemolo a través das persoas que están detrás, a través das súas voces. Isto e Investigar na USC, un proxecto en colaboración coa Universidade de Santiago de Compostela
show less
Information
| Author | GCiencia Podcasts |
| Organization | GCiencia Podcast |
| Categories | Science |
| Website | www.spreaker.com |
| redaccion@gciencia.com |
Copyright 2024 - Spreaker Inc. an iHeartMedia Company
