3 MAY 2024 · Kahit ang Diyos na ang nangako kadalasan naiinip pa din tayo at nag dududa. Madalas nakakahiya tayo. Nakakahiya yung pag awit natin, nakakahiya yung pagsamba natin, nakakahiya sa Diyos kung makikita niya yung laman ng puso natin habang nagpupuri tayo sa kanya, nakakahiya na nga yung pagpupuri natin, nakakahiya pa yung pamumuhay natin na katulad na tayo ng mundo. God deserves more than empty songs, He deserves more than our halfhearted, half lazy, half focused, and sleepy worship, He deserves more than leftover offerings at more than tira tirang oras. He deserves greater glory, greater worship and better worshippers.

27 APR 2024 · “Oh, taste and see that the LORD is good!”. Sa MBB ang sinabi ay, “Tingnan mo at lasapin ang kabutihan ni Yahweh.” Pero ano nga ba ang ibig-sabihin para sa atin ng mga salitang ito? Paano ba natin magagawa na matingnan at malasap ang kabutihan ng Panginoon? Well for one, hindi natin magagawa ‘yun kung wala tayo sa Panginoon. At pangalawa, ang buong awit na ito ay tinuturuan tayo kung paano makakamit ang bagay na ‘yun.

13 APR 2024 · Ang anumang masamang pagbabalak ng mga tao o kahit ang ginagawa na mismo ng tao para kalabanin ang nag-iisang hari na si Jesus, kailanman ay hindi magtatagumpay. Maaaring parang oo sa ngayon, pero kalaunan ay mauuwi sa balewala. At kung ang Panginoong Jesu-Cristo ang syang hari natin, walang duda, nasa tamang kampo tayo ng pinaka-makapangyarihang Hari.

8 APR 2024 · Jesus said, “I came”. Kahit alam kong people will reject me. I came, kahit alam kong people will disrespect me. I came, kahit alam kong humanity doesn’t deserve me, we don’t deserve the gift, we don’t deserve salvation… we don’t deserve Jesus. Still, Jesus came that we may have life

20 MAR 2024 · Hindi appropriate na sabihin natin na bine-blessed ng Diyos yung isang tao, kung nakukuha ng isang tao ang mga gusto nya. Ang blessedness or true happiness ay hindi maibibigay ng mundo, it's a gift from the Lord na mararanasan lamang ng isang taong may tamang relasyon at pagkakilala sa Panginoon. At ang araw na ito ay araw ng pagsisisi at panunumbalik sa Diyos, kaya huwag mo nang ipag-pabukas kapatid.

6 MAR 2024 · Ang buhay ng isang Kristiyano ay parang boxing. Sa boxing, oras na tumunog na yung bell, ito ay suntukan na or away na. Parang tayo, simula nung araw na tayo ay tumanggap sa ating Panginoong Hesu-Kristo at nag declare ng allegiance sa Panginoong Hesus, tumunog na ang bell nang ating pakikipaglaban sa mga kaaway ng mabuting balita ni Kristo. -Ptr. Robin

28 FEB 2024 · Isa itong kakaibang uri ng panalangin habang kinakausap din niya ang sarili niyang kaluluwa. Kasi posible na sa pagkakataong ito, gusto mang magpuri ng kanyang katawan, pero hindi mahanap ng kanyang puso o kaluluwa ang mga dahilan para magpuri. dahil ang totoo ay walang silbi ang papuri ng ating mga labi, ng ating mga bibig, ‘yung ating mga awitin, kung ang mga puso natin ay malayo sa Panginoon.

16 FEB 2024 · Maaaring dumaranas ka ngayon ng pagsubok o bagyo ng buhay, maaaring marami kang pinoproblema, maaaring dumaranas ka ng pagluha at kabigatan, maaaring nahihirapan ka sa pakikipaglaban against sa kasalanan, para bang kahit paanong gawin mong pagbalanse sa iyong bangka ng buhay ay parang tataob pa rin sa hirap ng iyong pinagdadaanan. Be still kapatid, sapagkat sinabi ni Yahweh "Be still and know that I am God."

31 JAN 2024 · Purihin ka o Dios sa katotohanan na mapalad ang taong binubulay, isinasapuso at ipinamumuhay ang Inyong Salita at mga kautusan. Hindi katulad ng taong masama, na walang pagpapahalaga sa iyong Salita. Kung kaya’t ang dulo ng kanyang buhay ay kapahamakan. Mapalad kami dahil ang Salita mo ay patuloy na mag reremind sa amin and the same time magbibigay warning sa amin, ito ay means of grace, at kung gaano kahalaga na seryosohing sundin ito sa aming mga buhay. Dahil ganito naman talaga ang buhay na nakakabit kay Cristo, nananatili sa iyong mga salita at kasiyahang sundin ito. Not out of obligations but from the overflow of the heart, coming from our union with the Lord Jesus. -Ptr. Marlon Santos

25 JAN 2024 · Alam nating walang nakasunod ng perpekto sa kautusan at wala ring maliligtas sa pamamagitan ng pagsunod sa kautusan o paggawa ng mabuti. Ginawa ng Diyos ang hindi kayang gawin ng Kautusan at ginawa ng Diyos ang hindi natin kayang gawin. Christ came down to earth in the likeness of sinful flesh, as an offering for your sin, as an offering for my sin, as an offering for the sin of the world. Preached by Ptr. Aldrin Capili @ Baliwag Bible Christian Church