3 MAY 2019 · Nie net Suid-Afrika nie, maar ook die ANC is by 'n kruispad met vanjaar se verkiesing, het Enoch Godongwana, lid van die ANC se NUK en voorsitter van dié party se subkomitee oor ekonomiese transformasie, aan Gert van der Westhuizen gesê in ons reeks, Praat politiek met Netwerk24. Luister ook na wat hy te sê het oor die belangrikheid van sosiale kohesie tussen die land se rassgeroepe. Hy verduidelik voorts dat onteiening sonder vergoeding nie 'n aanval op eiendomsregte is nie.

25 APR 2019 · Hoor wat dr. Pieter Groenewald, leier van die VF Plus, in die derde aflewering van Praat politiek met Netwerk24 te sê het oor moontlike koalisies na vanjaar se verkiesing. Hy gesels ook oor onteiening sonder vergoeding, hoe belangrik die Afrikaner se belange vir sy party is en of jy jou stem sal mors as jy vir 'n klein party soos die VF Plus stem.

17 APR 2019 · Regstellende aksie is niks anders nie as die werkreserveringswette van apartheid nie, sê mnr. Mosiuoa Lekota, leier van Cope. Luister wat hy alles hieroor en oor ander aktuele kwessies soos onteiening sonder vergoeding, swart ekonomiese bemagtiging en samewerking tussen die land se onderskeie rassegroepe te sê het in die volgende aflewering van Praat politiek met Netwerk24.

9 APR 2019 · Die DA het in die afgelope tyd heelwat kritiek gekry oor onder meer sy standpunt oor swart ekonomiese bemagtiging en die binnegevegte wat hom oënskynlik lamgelê het. Luister wat Mmusi Maimane, leier van die DA, oor hierdie en talle ander verkiesingskwessies te sê het.