16 JUL 2021 · A ttxolil tchwinqlal Kevin ex Miqueas a junju’ t-xol txqan ttxolil kychwinqlal tal txin, tal q’a ex ku’xon te tnom at toj nqach a tb’i Malacatán, ten nin tnom San Marcos, Twi’ Paxil. Mlayx tz’etz toj kywi’ naqa ma kub’ kyximi’n tu’n kyxi’ lape ti’j tqanb’en kytata, jun ichin ma lo b’an 24 ab’q’i tkub’len naj toj tnom te Estados Unidos. Toj oqen chwinqlal in xi’ kyka’yi’n mo kyximi’n kychwinqal najchaq ti’j xlem yab’il, tu’n nti’ aq’untl ex tu’n meb’ayil kyjawlen itz’ji.

16 JUL 2021 · Kab’e nimaq tqan mank inxi’x chi q’on lekyi’n tpen tja Jasmin Tomas nojni tu’n txqan xoq’l. Qajbpelo, a tb’anil ab’q’i lu tel tel b’a’n twitz mank mo qa ok kywitzal b’a’nxi’x, qu’n aqe’ lob’j matxi’ tzaq’ xe’l saq q’an kyi’j qu’n kyjunalx in chi ku’tz tz’aq toj twi’ tqan, ex ate’ junjun majx in xi’ kawa’n kyib’ toj xoq’l na’mtoq kyb’aj lo’n tu’n jasmin ex kyu’n tja xjal.

16 JUL 2021 · Toj kojb’il 5 de Mayo aqe’ q’ij mya nim toj kyse’n ma b’aj kabe xjaw. Jun q’oj mo wul in b’aj kyxol kojb’il tuk’i’l jakanb’ab’il ti’jq’aq’ oje tz’elq’i’n xhtilinq’aq’ kye b’anpun kojb’el te tnom te Malacatán ex kye junjuntil tnom te nintnom San Marcos, nti’ xhtilin q’aq’.

16 JUL 2021 · Tu’n qpon toj tja Yasmin Martín ex Miqueas Bravo ilti’jtu’n qb’et toj jun tal b’e ch’i’n toj ex twitz jawl atz toka twi’ witz nimqe tze, a ja lu atok te tajlal tnom te kojb’il te 15 de Enero, toj tnom te Malacatán.

16 JUL 2021 · A makb’ilmaj tej tkub’ ttz’uli’n Emily ttata, naqtoq te wuq ab’q’i. o’kx tjaw tiqi’n tiqatz extzun kyej kawin tik’ b’et tzi ja tej tanj junmajtil ti’j toj tnom te Estados Unidos. A te tal txin kyej ten oq’il toj tqan b’ech a oje tz’ok te k’ayb’il ajb’len i’jb’aj in tzaj kyxol me’xh, a k’ayb’il lu a tnana ka’yilte pwaq, Leticia Bámaca.