25 APR 2024 · Ramón Villares é catedrático en Historia Contemporánea da Universidade de Santiago. Foi ademais decano da Facultade de Xeografía e Historia, presidente do Consello da Cultura Galega e é membro numerario da RAG. Ademais, pertenece a padroados de centros e fundacións como o Museo do Pobo Galego ou a Fundación Juana de Vega. Hoxe entrevistámolo en Radio Ateneo Podcast co gallo do 50 a niversario da Revolución dos Caraveis.

18 APR 2024 · Ignacio Molina é investigador principal do Real Instituto Elcano e profesor no Departamento de Ciencia Política e Relacións Internacionais da Universidade Autónoma de Madrid. Foi ademais colaborador como experto para o Parlamento Europeo, a Comisión Europea, o goberno dos Países Baixos, o Consello do Estado ou o Ministerio de Asuntos Exteriores, sendo as súas principais áreas de investigación o estudo da política exterior e de Europa, así como o futuro da Unión Europea.

21 MAR 2024 · Os profesores Xesús Fernández Sulleiro, Antía Cores Torres e Juan Antonio Castro Maril falan sobre o papel que desempeña o profesor na actualidade.

14 MAR 2024 · António Manuel Seixas Sampaio da Nóvoa é Doutor en Ciencias da Educación pola Universidade de Xenebra e Doutor en Historia Moderna e Contemporánea pola Sorbona de París. É tamén especialista en Historia da Educación, Educación Comparada e Formación do profesorado. Na actualidade é Catedrático no Instituto de Educación da Universidade de Lisboa, da que foi Reitor de 2006 a 2013.

29 FEB 2024 · Aldara Cidrás Fuentes é doutora en Historia Contemporánea pola Universidade de Santiago de Compostela, onde exerceu como investigadora e docente nos últimos anos. No derradeiro semestre de 2019 foi convidada como investigadora visitante na Universidade de Princeton en Estados Unidos e ao longo do 2023 foi investigadora residente no Museo Nacional Centro de Arte Reina Sofía de Madrid, onde puido continuar a desenvolver o proxecto Compostela (etno)gráfica.

22 FEB 2024 · Entrevista sobre os resultados das eleccións á Xunta de Galicia do ano 2024 cos xornalistas Xurxo Salgado e Caetano Díaz. Xurxo Salgado estudou Xornalismo na Universidade de Santiago de Compostela e actualmente é director do xornal Galicia Confidencial. Caetano Díaz formouse na Universidade Complutense de Madrid e en 1981 entrou a traballar en La Voz de Galicia, levando a información da 1ª Xunta na Delegación de Santiago e como cronista político na Redacción central da Coruña.

15 FEB 2024 · Iria Aldegunde (2000) naceu en Santiago de Compostela onde se graduou en Filoloxía Inglesa pola USC, estudos que foron complementados cunha formación en banda deseñada na escola profesional O Garaxe Hermético.

8 FEB 2024 · Juan M. Lema Rodicio, é Catedrático Emérito de Enxeñaría Química na Universidade de Santiago de Compostela (USC), coordinador científico de CRETUS e Presidente da Real Academia Galega de Ciencias.

6 FEB 2024 · Xaime Toxo é un escritor galego, mestre e pedagogo. É especialista en atención escolar á rapazada con discapacidade visual e fundador da Asociación Bidueiro de Bueu, ademais de presidente do Ateneo de Pontevedra. É tamén autor en narrativa e poesía e vén de publicar en 2023 a novela 70 graos norte.

25 JAN 2024 · Gumersindo Feijoo Costa, Catedrático de Enxeñería Química dende 2008, actualmente é Vicerreitor de Transformación Dixital e Innovación na USC. Desenvolve a súa actividade de investigación no Centro Singular CRETUS, no marco do Grupo de Biotecnoloxía Ambiental (que actualmente coordina) na Escola Técnica Superior de Enxeñería.